எழுச்சித் தமிழர் திருமாவிற்கு கவுரவ டாக்டர் பட்டம்

விடுதலைச் சிறுத்தைகள் கட்சியின் தலைவர் தொல்.திருமாவளவன் அவர்கள் கால் நூற்றாண்டுக்கும் மேலாக ஆற்றிவரும் சமூகப்பணிகளை பாராட்டி உலக அளவில் செயல்பட்டுவரும் இறையியல் கல்லூரியான குருகுலம் அகடாமி & ஆராய்ச்சி நிறுவனம் , டாக்டர் (முனைவர்) பட்டம் வழங்குகிறது. சமூகப்பணி மற்றும் இறைத்தொண்டு ஆகியவற்றில் சிறப்பான முறையில் பணியாற்றிய சிந்தனையாளர்கள் மற்றும் களப் போராளிகளுக்கு இக்கல்லூரி கடந்த 20 ஆண்டுக்களுக்கும் மேலாக டாக்டர் பட்டம் வழங்கி வருகிறது. 2009 ஆம் ஆண்டிற்கான டாக்டர் பட்டத்தை விடுதலைச் சிறுத்தைகள் தலைவர் தொல்.திருமாவளவன் அவர்களுக்கு இக்கல்லூரி வழங்குகிறது.

மிகவும் கீழ்நிலையில் கேட்பாரற்று ஒடுக்குண்டு கிடந்த தல்லித் மக்களை தலை நிமிர வைத்த தொல்.திருமாவளவன் அவர்களின் பணியை மேலும் ஊக்கப்படுத்தும் விதமாக இந்த டாக்டர் பட்டத்தை வழங்குகிறது. வரும் 18.07.2009 மாலை 5 மணி அளவில் புரசைவாக்கத்தில் உள்ள குருகுலம் இறையியல் கல்லூரியில் இவ்விழா நடைபெறுகிறது.


இவண்

வன்னி அரசு
தலைமை நிலைய செயலாளர்